🏀 Грекийн ялалт: EuroBasket 2025-ын хагас шигшээд хүрлээ
Грекийн шигшээ багийн ахлагч Яннис Антетокунмпо 29 оноо авч, Литвийн шигшээ багийг 87-76-ийн харьцаатай хожиход голлох үүрэг гүйцэтгэлээ. Түүний дүү Костас Антетокунмпо 4 блок хийж, хамгаалалтад хүч нэмсэн нь багийн ялалтыг баталгаажуулав.
Литвийн хувьд төвийн тоглогч Йонас Валанчунас 24 оноо, 15 самбараас бөмбөг авалт хийж, гайхалтай тоглолт үзүүлсэн ч, Грекийн чанга хамгаалалт, хэмнэлтэй довтолгооны эсрэг хүч мөхөсдлөө. Ухаалаг тоглолт, эрчтэй хариу довтолгоо нь Грекийн ялалтын үндэс байлаа.
Харин өмнөх тоглолтод Турк улсын шигшээ Польшийн шигшээ багийг 91-77-ийн харьцаатай буулган авч, хагас шигшээд Грекийн эсрэг тоглохоор боллоо. Туркийн төвийн тоглогч Алперен Сенгун 19 оноо, 12 самбараас бөмбөг авалт, 10 оновчтой дамжуулалт хийж triple-double амжилт гаргасан нь онцлох үзүүлэлт байв.
Хагас шигшээ тоглолтууд Баасан гарагт болох бөгөөд үлдсэн хоёр хожигч Лхагва гарагт тодорно. Финланд Гүржтэй, Герман Словенитэй тоглох товтой байна.
Эх сурвалж: RealGM
