Кам Реддиш Литвийн сагсан бөмбөгийн лигт тоглохоор боллоо
NBA-ийн туршлагатай тоглогч Кам Реддиш мэргэжлийн замналаа Европт үргэлжлүүлэх шийдвэр гаргаж, Литвийн Шяуляй клубтэй нэгдэх гэж байна. Тэрээр ирэх улиралд тус клубт тоглох бөгөөд 2025-26 оны NBA-ийн улиралд эргэн ирэх болзолтой гэрээ хийхээр төлөвлөж байгаа аж.
Реддиш өнгөрсөн улирлын тодорхой хэсгийг Лос Анжелес Лэйкэрст өнгөрүүлж, нийт 33 тоглолтод оролцон дунджаар 3.2 оноо, 2.0 самбараас бөмбөг авч байсан. Харин 3-р сарын сүүлээр баг түүнийг бүрэлдэхүүнээс чөлөөлсөн юм.
Тэрээр өмнө нь Атланта Хоукс, Нью Йорк Никс, Портлэнд Трэйл Блэйзерс зэрэг багуудад тоглож байсныг дурдах хэрэгтэй. Харин түүний шинэ баг болох BC Шяуляй-г NBA-ийн хуучин тоглогч, Сан Антонио Спөрсийн удаан хугацааны туслах дасгалжуулагч Дариус Сонгайла удирдаж байна.
Реддишийн Литвад тоглох шийдвэр нь түүний карьерт шинэ чиг шугам авчрах боломжтой бөгөөд түүний ур чадвар, тоглолтын хэв маяг Европын сагсан бөмбөгт хэрхэн нөлөөлөхийг харах нь сонирхол татахаар байна.
Эх сурвалж: RealGM – Cam Reddish To Sign With BC Siauliai In Lithuania
