Экитикегийн ялалт авчирсан гоол улаан хуудсаар дууслаа
Хьюго Экитикегийн гоол Ливерпүүлийг EFL цомын дараагийн шатанд шалгарахад хөтөлсөн ч, тэрээр улаан хуудас авснаар баярт мөч нь удаан үргэлжилсэнгүй.
85 дахь минутад Федерико Кьезагийн дамжуулалтаас гоол оруулж, багтаа ялалт авчирсан Экитикэ баяраа хэтрүүлэн тэмдэглэсний улмаас хоёр дахь шар хуудас авч, талбайгаас хөөгдсөн юм. Тэрбээр сэлгээгээр орж ирээд ердөө найман минутын дараа бөмбөгийг хол цохисон нь анхны шар хуудасны шалтгаан болсон байна.
Ливерпүүлын шинэ довтлогчийн тоглолтод оролцох эрх хасагдсан нь Премьер лигийн Кристал Паластай хийх тоглолтыг алдах шалтгаан боллоо. Премьер лигийн дүрмийн дагуу түүний хориг бүх дотоодын тэмцээнд хамаарах учраас энэ тоглолтод оролцох боломжгүй юм.
Тоглолтын дараах ярилцлагад Ливерпүүлын дасгалжуулагч Арне Слот энэ явдлыг “Тэнэг үйлдэл” хэмээн тодорхойлсон. Тэрбээр “Та сэтгэл хөдлөлөө хянаж сурах хэрэгтэй. Цамц тайлж баярласан нь багт үнэтэй туслаа” хэмээн хатуу байр суурь илэрхийлсэн байна.
"Needless and stupid."
— Match of the Day (@BBCMOTD) September 24, 2025
Arne Slot didn't hold back on Hugo Ekitike's sending off against Southampton. pic.twitter.com/1KwH3jfYll
Экитикэ өөрийн Инстаграм сторидоо:
“Гэртээ хийсэн анхны тоглолтод багтаа ялалт авчрахад тусалсандаа баяртай байсан ч, сэтгэл хөдлөл намайг дийлсэн. ‘Улаан гэр бүлийнхэндээ’ уучлалт хүсье” хэмээн бичжээ.
Экитикэ Реймсийн академиас хөлбөмбөгийн карьераа эхлүүлж, Вейле, ПСЖ, Франкфурт зэрэг клубүүдэд тоглож байсан туршлагатай. Тэрбээр өнгөрсөн улиралд Франкфуртад 48 тоглолтод 22 гоол, 12 дамжуулалт өгсөн амжилттай улирлыг үдсэн бөгөөд Ливерпүүлд ирснээсээ хойш бүх тэмцээнд таван гоол оруулаад байна.
Эх сурвалж: 101GreatGoals.com
