Арьсан хүрэм, жинс нь эрчүүдийн хувцаслалтын сонгодог хослол болсон. Энэ төрх хүчтэй, эрх чөлөөтэй мэдрэмж төрүүлдэг. Гэхдээ энэ хослолыг хэрхэн зөв зохицуулах вэ гэдэг нь чиний нийт төрхийг тодорхойлно. Заримдаа загварлаг харагддаг бол зарим тохиолдолд хоцрогдсон, хэт энгийн мэт сэтгэгдэл төрүүлж болох юм.
Хамгийн чухал нь хүрэмний өнгө, жинсний загвар, гутал, бүр бүс, цамц гэх мэт жижиг нарийн деталь бүрийг зөв сонгох хэрэгтэй. Ингээд арьсан хүрэм, жинсний хослолоо бүрэн дүүрэн ашиглахад туслах 11 зөвлөмжийг хүргэж байна.
1. Арьсан хүрэмний өнгийг зөв сонго
Хар хүрэм эрс шийдэмгий, эрэгтэйлэг төрх өгдөг. Харин хэт хатуу дүр төрхөөс зайлсхиймээр байвал бор хүрэм илүү зөөлөн, уян хатан харагдуулна. Шоколадан болон коньяак өнгө нь өдөр тутмын ч, чамин төрх ч үүсгэж чадна.
Цайвар хүрэм (саарал, beige гэх мэт) нь хаврын улиралд төгс тохирно. Гэхдээ ийм өнгөнд тохирох жинс, гутлыг маш няхуур сонгох хэрэгтэй.
2. Хүрэм биеийн харьцаанд таарсан байх ёстой
Хэт сул хүрэм хуучны, эвгүй сэтгэгдэл төрүүлнэ. Хэт бариу бол тухгүй харагдана. Мөр дагаж зөв суусан, бүсэлхийнээс ялимгүй доогуур урттай, биед эвтэйхэн, үрчийлтгүй хүрэм хамгийн зөв сонголт юм.
3. Жинсээ энгийн, даруухан байлга
Туранхай эсвэл шулуун кроитой, саарал, хар, хөх зэрэг төвийг сахисан өнгийн жинс арьсан хүрэмтэй хамгийн зохицолтой. Их нүхтэй, товчтой, хэт чимэглэлтэй загварууд бол энэ хослолыг загварлаг бус харагдуулах тул зайлсхийх хэрэгтэй.
4. Цагаан футболка – Хэзээд найдвартай сонголт
Хамгийн энгийн хэрнээ хамгийн загварлаг хувилбар бол арьсан хүрэмний дотуур цагаан футболка өмсөх. Энэ нь харааны цэвэр контраст үүсгэж, нийт төрхийг сэргээгээд өгдөг. Хэрэв хэвтэй хувилбар сонговол, жижиг, энгийн хэвтэйг сонго.
5. Хүйтэнд свитер эсвэл хүди тохиромжтой
Хавар, намар төдийгүй өвөл ч арьсан хүрмээ өмсөж болно. Хонины ноос эсвэл ноолууран материалтай нимгэн свитер илүү дулаахан болгодог. Харин илүү эрч хүчтэй төрх хүсвэл, энгийн өнгийн худи тохиромжтой. Хэт тод хэвлэлгүй байхыг зөвлөе.
6. Гутал – Төрхийг шийдэх гол элемент
Арьсан хүрэм, жинстэй хослуулах гутлын төрөл олон. Массив ботинк бол өвлийн, эрэгтэйлэг төрхийг гаргана. Харин цагаан кед эсвэл минималист пүүз нь хөнгөн, өдөр тутмын төрх бий болгоно. Челси эсвэл лофер загварын гутал нь илүү ухаалаг, хотын стильд тохирно.
7. Аксессуар бол төгс шийдэл
Массив ган бугуйн цаг, нарны шил (ялангуяа aviator загвар) зэрэг аксессуар нь бүхий л төрхийг “дуусгаж” өгдөг. Бүсний өнгө, гуталтай зохицох ёстой. Хэт олон аксессуартай болохоос зайлсхий, 1-2 акцент хангалттай.
8. Хүрэмний хэв маягтай тэнцвэртэй бай
Косуха (zipper-үүдтэй, клепкэтэй) бол өөрөө тод элемент тул үүнийг төвийг сахисан жинс, гутал, цамцтай тэнцвэржүүлэх хэрэгтэй. Харин минималист арьсан хүрэм илүү чөлөөтэй хослуулах боломж олгодог.
9. Улиралдаа тохируул
Хавар, намар бол арьсан хүрэмний оргил үе. Цамц, футболкатай хослуулан өдөр тутмын загварлаг төрх бүрдүүлж болно. Өвөл нимгэн ноосон свитер, худи, шарф нэмж давхарлаж болох бол зун бол зөвхөн орой, сэрүүхэн үед л тохиромжтой.
10. Өнгөөр тогло
Хар хүрэм + саарал жинс = орчин үеийн, хүчтэй төрх. Бор хүрэм + beige жинс = дулаан, уян харимхай, Итали стиль. Ховор ч гэлээ дарс улаан, хүлэмжний ногоон гэх мэт өнгөний сонголтууд зөв хосолсон тохиолдолд үнэхээр анхаарал татам харагдана.
11. Өөртөө итгэх итгэл хамгийн чухал
Ямар ч сайн хослол чиний өөртөө итгэх итгэлгүй байвал бүрэн гүйцэд харагдахгүй. Арьсан хүрэм бол зөвхөн хувцас биш, зан чанарын нэг хэсэг юм. Итгэлтэй алх, хөдөлгөөн чинь байгалийн байг, харагдах төрх чинь хэв маягийг бүтээдэг.
