Голдэн Стэйт Уорриорс: Ахмад тоглогчдын эрин үе
Голдэн Стэйт Уорриорс 2025-26 оны улиралд ахмад тоглогчдын эринд шилжиж буйгаа тунхаглаж байна. Тэдний гарааны бүрэлдэхүүнд багтсан тоглогчдын дундаж нас 36 хүрч, энэ нь шинээр элссэн Ал Хорфордтой холбоотойгоор олон нийтийн анхаарлыг татаж, цахим орчинд маргаан дагуулж байна.
Стефен Карригийн удирдлага дор Уорриорс залуужих биш, харин туршлагатай оддын музей мэт харагдаж буй. Тэд талбай дээрх туршлагаар гайхуулж болох ч тэсвэр тэвчээр, тогтвортой байдал нь улирлын турш сорилт болох нь гарцаагүй.
The Geriatrics.
— Rara Avis™ (@Tzar_Marc) September 29, 2025
Chelsea being the complete opposite. The Teenagers. https://t.co/YatY9wV5kw
Стефен Карри, Дрэймонд Грийн, Жимми Батлер, Ал Хорфорд зэрэг олон жил НБА-д тоглож, төрөл бүрийн системд дассан тоглогчид 82 тоглолтын турш залуухан, эрч хүчтэй өрсөлдөгчидтэй хэрхэн эн тэнцүү тоглох вэ гэдэг асуулт хэвээр байна. Зарим фенүүд цахим орчинд тэднийг “Гериатрикс” хэмээн егөөдсөн ч энэ нь талбай дээрх амжилтад хэрхэн нөлөөлөх нь хараахан тодорхой бус.
Баруун бүс улам ширүүсч буй энэ үед Уорриорс:
- Аваргаа хамгаалж буй Оклахома Сити Тандер,
- Бүрэлдэхүүнээ шинэчилсэн Лос Анжелес Лэйкерс,
- Кэвин Дурантын удирдсан Хьюстон Рокетс,
- Үргэлж хүчтэй өрсөлдөгч Денвер Наггетстай нүүр тулах хэрэгтэй болно.
Хэрэв Стефен Карри дахин ид шид үзүүлж, Жимми Батлер эрүүл байж чадвал Уорриорс дахин амжилтанд хүрэх боломж бий. Гэхдээ тэдний бүрэлдэхүүнд нэг ч залуу од багтаагүй нь “Энэ бүжиг сүүлчийнх нь байж мэднэ” гэх таамгийг улам бүр бодитой болгож байна.
Гэсэн ч Стив Керрийн ухаалаг удирдлага, Стефен Карригийн тоглолтын өндөр түвшин үргэлжилбэл, энэ ахмад бүрэлдэхүүн хүлээлтээс давж гарч ч мэднэ.
Эх сурвалж: thesportsrush
