Жонатан Кумингагийн ирээдүй: Голдэн Стэйт Уорриорст үлдэх үү?
Энэ зуны хамгийн их анхаарал татсан NBA-ийн түүхүүдийн нэг нь Жонатан Кумингагийн Голдэн Стэйт Уорриорстай холбоотой ирээдүй байв. Тоглогч болон баг хоёр хоёулаа шинэ зам хайж байсан ч эцэст нь тохиролцоонд хүрч, Куминга клубтэйгээ хоёр жилийн хугацаатай, 48.5 сая ам.долларын гэрээ байгуулсан. Энэ шийдвэр нь Уорриорст сөрөг нөлөөтэй биш гэж шинжээчид үзэж байна.
Кумингагийн залуу энерги ахмад тоглогчтой Голдэн Стэйтийн бүрэлдэхүүнд шинэ уур амьсгал оруулж чадна. Баруун бүсийн өрсөлдөөн улам ширүүсэж байгаа энэ үед Стеф Карри, Жимми Батлер зэрэг ахмад тоглогчид багийн гол зэвсэг хэвээр байгаа ч тэд талбайгаас гарсан мөчүүдэд багт шинэ эрч хүч хэрэгтэй болно. Энэ үүргийг гүйцэтгэх хамгийн тохиромжтой хүн бол Куминга гэж үзэж байна.
NBA-ийн шинжээч Брайан Гелтзайлер SiriusXM NBA Радиод ярилцлага өгөхдөө Кумингаг хэрхэн илүү үр дүнтэй ашиглаж болох талаар байр сууриа илэрхийлжээ. Тэрээр Карри улиралд дунджаар 32–33 минут тоглохоор төлөвлөж байгаа тул үлдсэн 15–16 минутын зайг Кумингад бүрэн итгэж өгөх боломжтой хэмээн онцолсон байна.
Гелтзайлерийн хэлснээр өнгөрсөн улиралд Куминга, Батлер нарын хамтын ажиллагаа онцгой сайн байсан бөгөөд Карри талбайд байхгүй үед Кумингаг гол хүн болгон ашиглах нь зөв алхам гэж үзжээ. Гэсэн хэдий ч дасгалжуулагч Стив Керр болон Куминга нарын хооронд тоглолтын минутын талаар санал зөрөлдөөн үүссэн нь анхаарал татаж байна. Зарим шинжээчийн үзэж буйгаар энэ нь Карритэй ч хамааралтай байж болзошгүй аж.
How much will Jonathan Kuminga play now that he’s back with the Golden State Warriors?@BGeltzNBA tells @SamMitchellNBA he has a plan for the Warriors to use his strengths. pic.twitter.com/8vQTSj5wNe
— SiriusXM NBA Radio (@SiriusXMNBA) October 9, 2025
Хэрэв Керр, Куминга нар ойлголцож чадвал, тэд багийн дараагийн үеийн тоглогчид руу шилжих чухал “гүүр” болж чадна. Харин зөрчилдөөн үргэлжилбэл, Голдэн Стэйт ирээдүйдээ томоохон шийдвэр гаргах шаардлагатай болох нь гарцаагүй.
Эх сурвалж: The SportsRush
