Манчестер Юнайтед, Арсенал, Ливерпүүл болон Челси багууд RB Лейпцигийн хамгаалагч Кастелло Лукебатай холбоо тогтоосон байна.
Манчестер Юнайтед багт Лисандро Мартинес, Айден Хэвэн нар зүүн төвийн хамгаалагчаар тоглодог ч Мартинесийн бэртэл, Хэвэний туршлага хязгаарлагдмал байгаа тул шинэ тоглогч авах шаардлага үүсжээ. Лукебагийн гэрээ улирлын төгсгөлд дуусах тул багууд түүнийг зуны шилжилт хөдөлгөөнд авах сонирхолтой байгаа юм. Английн дөрвөн клубтай зэрэгцэн Бавари Мюнхен, Реал Мадрид ч түүнийг авах хүсэлтэй байгаа талаар TEAMtalk мэдээлэв.
Лукеба 23 настай, зүүн хөлтэй төвийн хамгаалагч бөгөөд шаардлагатай тохиолдолд зүүн жигүүрийн хамгаалагчаар тоглох чадвартай. Өнгөрсөн зуны шилжилт хөдөлгөөнд түүнийг авахыг оролдсон ч Лейпци 77 сая фунтын гарцтай гэрээний үнийг өндөр гэж үзэн чөлөөлөхийг хүсээгүй. Харин энэ зуны гарцын үнэ буурч, 60 сая фунтын доогуур үнээр ч шилжих боломжтой болжээ.
Арсенал багт зүүн талын хамгаалагчид хангалттай тул шинэ тоглогч авах шаардлага бага байгаа бол Ливерпүүл Виржил ван Дейк багийн ахмад тоглогчийнхаа оронд шинэ хамгаалагч авах төлөвлөгөөтэй байна. Манчестер Юнайтед, Ливерпүүл, Арсенал гурван багийн аль нэг нь Лукебаг авах боломжтой бол түүний чадвар багийн хамгаалалтыг бэхжүүлэхэд чухал нөлөө үзүүлэх юм.
