Ахмад тоглогч Виктор Вембаньяма плей-оффт шалгарсан ч сэтгэл хангалуун бус байна.
Сан-Антонио Спөрс баг хорь гаруй жилийн дараа плей-оффт шалгарахаар боллоо. Өнгөрсөн шөнө Финикс Санс багийг 101-100 харьцаатайгаар буулган авснаар тэд энэ амжилтаа бататгалаа. Гэсэн хэдий ч багийн шинэ од Виктор Вембаньяма сэтгэл хангалуун бус байгаагаа илэрхийлжээ. Өнгөрсөн жилийн шилдэг шинэ тоглогч Стефон Кастл, Де’Аарон Фокс, Девин Васселл, Люк Корнет зэрэг бусад тоглогчдын хамтын ажиллагааны ачаар Спөрс баг амжилттай тоглож байна.
Одоогийн байдлаар Спөрс баг Баруун бүсийн хоёрдугаар байрт орж, плей-оффт шалгарсан нь тодорхой болоод байна. Улирлын сүүлчийн 12 тоглолт үлдээд байгаа бөгөөд тэд одоогоор тэргүүлэгч Оклахома-Сити Тандер багтай 3 хожилын зөрүүтэй байна. Ийнхүү плей-оффт шалгарсан ч Вембаньяма багийнхаа сэтгэл хангалуун байдлыг эмээж байгаагаа хэлжээ.
Тэрээр: “Мэдээж эхний ээлжинд бахархах сэтгэл төрнө. Гэхдээ миний хувьд хамгийн чухал нь бид 82 тоглолтыг бүгдийг нь хичээнгүйлэн тоглохыг хүсч байна. Би биеэ аваад өгчихмөөргүй байна, би хэтэрхий тайвшрах вий гэж айж байна” хэмээн онцолжээ. Вембаньямагийн энэ хичээнгүйлэн тоглох сэтгэл нь Спөрс багийг бүхэлдээ эерэг уур амьсгалтай болгож, тоглолтын чанарыг дээшлүүлж чадсан юм.
