Өмнөд Солонгосын SBS телевизийн шинэ уран бүтээл, “Sold Out on You” романтик комеди драмын гол дүрүүдийн албан ёсны зургууд үзэгчдийн хүртээл боллоо. Уг кинонд алдартай жүжигчин Ань Хё Соп болон өсөж буй од Чэ Вон Бин нар хамтран тоглож, тэс өөр ертөнцийн хоёр хүний сонирхолтой хайр сэтгэлийн түүхийг өгүүлэх юм.
Киноны үйл явдалд хөдөө аж ахуйн салбарт төгс ажилтан гэгддэг Мэттью Ли (Ань Хё Соп) болон нойргүйдлийн асуудалтай, гэрийн худалдааны нэвтрүүлгийн топ хөтлөгч Дам Йе Жин (Чэ Вон Бин) нарын гэнэтийн учралын талаар гарна. Дэлгэцнээ амилах эдгээр дүрүүд нь “үл хөдлөх хад” мэт тууштай зан болон “зогсоож баршгүй хүч” мэт эрч хүчтэй байдлын илэрхийлэл болох аж.
Дөнгөж цацагдсан зургуудад Мэттью Ли өөрийн фермдээ ховор цагаан мөөгөн дунд байгаа бол, Дам Йе Жин телевизийн студид камер, гэрлийн тоног төхөөрөмжөөр хүрээлүүлэн, мэргэжлийн хөтлөгчийн итгэл төгс байдлыг харуулжээ. Зурагт хуудас дээр “Бодох цаг алга! Одоо үзнэ үү!” гэсэн уриа бичигдсэн нь үзэгчдийн хүлээлтийг улам бүр өдөөж байна.
“Sold Out on You” олон ангит кино ирэх дөрөвдүгээр сарын 22-ны өдрийн 21:00 цагт (БНСУ-ын цагаар) албан ёсоор нээлтээ хийх хуваарьтай байна.
