Германы “BILD” хэвлэлийн мэдээлснээр, “Манчестер Юнайтед” клуб “Ливерпуль” болон “Арсенал” багуудын анхааралд өртөөд буй хагас хамгаалагч Натаниэль Браунтыг эгнээндээ нэгтгэхээр өрсөлдөж байна. Өнгөрсөн зун Матеус Кунья, Брайан Мбеумо болон Бенжамин Сеско нарыг авч, довтолгооны шугамаа зузаатгасан “Улаан чөтгөрүүд” энэ удаад төвийн хагас хамгаалалтын байрлалаа сайжруулахыг нэн тэргүүний зорилгоо болгожээ.
Энэхүү шийдвэр нь багийн ахмад тоглогч Каземиро ирэх зун чөлөөт агент болон явах магадлалтай холбоотой юм. 61 сая фунт стерлингээр үнэлэгдэж буй Браунтын хувьд Европын шилдэг багуудын сонирхлыг татаж байгаа бөгөөд “Манчестер Юнайтед” түүнийг багийнхаа ирээдүйн гол цөм болно гэж үзэж байна. Солилцоо наймааны зах зээлд өрсөлдөөн ширүүн байгаа хэдий ч “Юнайтед” энэхүү наймааг амжилттай дуусгах бүрэн боломжтой байгааг эх сурвалжууд онцолжээ.
Дэлгэрэнгүй эх сурвалжийг харах
