Capcom компанийн зүгээс сарны орчимд түүхэн аялал хийж буй Artemis II багийн сансрын нисгэгчдэд зориулан тун сонирхолтой мэдэгдэл хийсэн нь тоглоом сонирхогчдын анхаарлыг татаад байна.
Pragmata тоглоомын албан ёсны X хуудсаар дамжуулан тус компанийн удахгүй гарах шинжлэх ухааны уран зөгнөлт төрлийн шинэ бүтээлийн гол баатрууд болох Хью болон бяцхан андройд охин Диана нар саран дээр суун Artemis II хөлгийг хүлээж буй зургийг нийтэлжээ. Энэхүү пост нь NASA-гийн шинэ найзуудтай бол, гэхдээ хуучныхаа мартаж болохгүй хэмээх уриалгад өгсөн өвөрмөц хариулт болсон юм.
Pragmata нь алдарт Resident Evil цувралыг бүтээгч Capcom-ын цоо шинэ төсөл бөгөөд сарны судалгааны станц дээр гацсан сансрын нисгэгч Хью болон түүний хамтрагч Диана нарын тухай өгүүлдэг. Тэд дайсагнагч хиймэл оюун ухааны эсрэг тэмцэж, дэлхийдээ эргэн ирэх арга замыг хайх адал явдалтай тулаант тоглоом юм.
Олон жил хүлээгдсэн Pragmata тоглоом ирэх долоо хоногийн баасан гарагт буюу 2026 оны 4 дүгээр сарын 17-нд албан ёсоор нээлтээ хийхээр товлогджээ. Тус тоглоом нь PlayStation 5, Xbox Series X/S, PC болон Nintendo Switch 2 платформ дээр гарах юм. Одоогоор тоглоомын Pragmata: Sketchbook нэртэй демо хувилбар бүх платформ дээр үнэ төлбөргүй тавигдаад байгаа тул сонирхсон тоглогчид бүтэн хувилбар гарахаас өмнө тоглож үзэх боломжтой байна. Харин Artemis II багийнхан ирэх баасан гарагт дэлхийдээ эргэн ирж, Номхон далайд буух төлөвлөгөөтэй байгаа юм.
