PlayStation компани 30 жилийн ойдоо зориулан үнэнч шүтэн бишрэгчиддээ зориулсан “The Playerbase” хэмээх гайхалтай хөтөлбөрийг зарлалаа. Энэхүү хөтөлбөрийн хамгийн том шагнал нь нэг азтай тоглогчийг орчин үеийн 3D скан технологийн тусламжтайгаар “Gran Turismo 7” тоглоомын албан ёсны дүр болгон оруулах юм. Цаашид энэхүү боломжийг PlayStation Studios-ийн бусад тоглоомуудад ч өргөжүүлэхээр төлөвлөж байгаа ажээ.
Уралдаанд оролцохыг хүссэн 18 нас хүрсэн тоглоомчид playstation.com/the-playerbase хаягаар орж, санал асуулга бөглөн, өөрийн PlayStation ID-гаар бүртгүүлэх шаардлагатай. Мөн PlayStation-той холбоотой өөрийн хамгийн нандин, онцгой дурсамжийг хуваалцах ёстой юм. Шалгарсан ялагч нь визуал урлагийн студид зочлон, өөрийн гэсэн бэлгэ тэмдэг болон машины өвөрмөц өнгө төрхийг бүтээлцэх бөгөөд PlayStation компани ялагч болон түүний дагуулж явах нэг хүний аяллын бүх зарлыг бүрэн хариуцах юм байна.
“Gran Turismo 7”-ийн дараа ямар тоглоомонд азтай шүтэн бишрэгчдийг оруулах нь одоогоор тодорхой болоогүй байгаа ч олны дунд ихээхэн хүлээлт үүсээд байна. Одоогоор “Wolverine”, “Spider-Man 2”, “The Last of Us”, “MLB The Show 2K26”, “Astro Bot” зэрэг алдартай цувралууд таамаглалд ороод байгаа юм. Энэхүү уралдаан нь тоглоом сонирхогчдын хувьд зөвхөн тоглох бус, тоглоомынхоо нэг хэсэг болох түүхэн боломж гэдгээрээ онцлог болж байна.
