Америкийн алдартай комедиан Никки Глейзер “Call Her Daddy” подкастад оролцох үеэрээ өөрийн хайр дурлалын харилцаа болон сексийн талаарх ер бусын нээлттэй хандлагаа хуваалцаж, олны анхаарлыг татлаа. Тэрээр уламжлалт моногами буюу нэг эхнэртэй байх ёсыг тийм ч таатай хүлээж авдаггүй бөгөөд харилцаандаа илүү “уян хатан” байхыг илүүд үздэг байна.
Никки Глейзерийн тайлбарласнаар, хэрэв түүний найз залуу аюулгүй байдлаа хангаж, нэг удаагийн тохиолдлын харилцаанд орвол түүнд ямар нэгэн гомдол эсвэл харамсах сэтгэл төрдөггүй гэнэ. Тэрээр эрчүүдийн бэлгийн дур хүсэл болон гэр бүлээс гадуурх харилцааг “арилжааны чанартай” буюу сэтгэл хөдлөл багатай үйлдэл гэж хардаг байна.
Хэдийгээр ийм чөлөөтэй хандлагатай ч Никки өөрийгөө полиаморист (олон хүнийг зэрэг хайрлах) биш гэж тодорхойлсон. Тэрээр харилцаандаа гуравдагч этгээдийг байнгын байдлаар оруулахыг хүсдэггүй ч, найз залуугаа “хөгжилтэй” байлгах үүднээс бусадтай харилцахыг нь бүр анх танилцсан үеэсээ л дэмжиж, урамшуулж иржээ. Түүний энэхүү хандлага нь орчин үеийн харилцааны хэв маягийн талаар сошиал орчинд томоохон хэлэлцүүлэг өрнүүлээд байна.
