Nintendo-гийн хамгийн алдартай брэндүүдийн нэг болох Кирбигийн цуврал өдгөө 39 гаруй тоглоомтойгоор үргэлжилж байна. Энэхүү баялаг түүхэн дунд зарим тоглоом нь уламжлалт хэв маягийг эвдэж, шинэлэг эрэл хайгуул хийснээрээ ялгардаг. Үүний нэг тод жишээ бол 22 жилийн өмнө буюу 2004 оны 4-р сарын 15-нд Game Boy Advance платформ дээр худалдаанд гарсан “Kirby & the Amazing Mirror” юм.
Ихэнх Кирби тоглоомууд хүүхэд багачуудад зориулсан шугаман бүтэцтэй, энгийн платформер төрлөөр хийгддэг байсан бол “The Amazing Mirror” нь цувралдаа анх удаа “Metroidvania” хэв маягийг авчирснаараа онцлог байв. Тоглогчид есөн өөр ертөнцөөр чөлөөтэй аялж, шинэ чадваруудыг эзэмшин, өмнө нь нэвтрэх боломжгүй байсан газруудын түлхүүрийг олох замаар даалгавруудыг гүйцэтгэдэг.
Тухайн үед “Metroid Fusion” болон “Metroid: Zero Mission” зэрэг тоглоомууд Game Boy Advance дээр асар их амжилт олж байсан нь Nintendo-д энэхүү туршилтыг хийх сэдэл өгсөн байх магадлалтай. Хэдийгээр эрэл хайгуул, таавар дээр суурилсан энэхүү төвөгтэй бүтэц нь зарим шүүмжлэгчдээс “төөрөгдүүлсэн, хэт хэцүү” гэх үнэлгээ авч байсан ч, өдгөө үүнийг Кирбигийн цувралыг илүү гүнзгийрүүлж, өргөжүүлсэн чухал алхам хэмээн үнэлэх болжээ.
How good is Amazing Mirror? (Also what is the gimmick because “Amazing Mirror” sounds like the perfect title for a gimmick game lol)
by u/TripleTheThreat in Kirby
“Kirby & the Amazing Mirror” нь Кирби брэндийг зөвхөн хүүхдийн тоглоом биш, харин туршилт хийхээс айдаггүй, сонирхолтой төрөл зүйлийн нэгдэл байж чаддагийг баталсан юм. 22 жилийн дараа ч энэхүү тоглоом нь өвөрмөц шийдэл, олон тоглогчийн горим болон адал явдалт бүтцээрээ үнэ цэнээ алдалгүй оршсоор байна.
