“Breaking Bad” цувралын од Брайан Крэнстон сүүлийн үед удаа дараа хуулийн асуудалд орооцолдоод буй жүжигчин Шиа ЛаБаффт хандан хатуухан бөгөөд хэрэгцээтэй зөвлөгөө өгсөн байна.
Шиа ЛаБафф өнгөрсөн хоёрдугаар сард Нью-Орлеан хотод болсон “Марди Гра” баярын үеэр хоёр эрэгтэй рүү халдсан хэргээр баривчлагдсан юм. Шүүхээс түүнийг 100,000 ам.долларын барьцаагаар суллаж, албадан эмчилгээнд хамрагдахыг даалгаад байгаа билээ. Үүнээс гадна тэрээр саяхан Италийн Ром хотод аавынхаа баптисмын арга хэмжээнд оролцож байхдаа гудамжинд нэгэн эмэгтэйтэй маргалдаж буй бичлэг нь цацагдаж, олны шүүмжлэлд өртөөд байв.
Эдгээр таагүй явдлуудтай холбогдуулан Брайан Крэнстон өөрийн алдарт “Malcolm in the Middle” цувралд хамтран тоглож байсан Фрэнки Мунизтай ярилцах үеэрээ ЛаБаффын нөхцөл байдалд сэтгэл зовниж буйгаа илэрхийлжээ. Тэрээр Шиа ЛаБаффыг цаг алдалгүй “тусламж авах” хэрэгтэйг онцлон сануулсан байна.
Дашрамд дурдахад, Крэнстон болон Муниз нарын тоглосон “Malcolm in the Middle” цувралын шинэ ангиуд үзэгчдэд хүрч эхлээд байгаа бөгөөд шүүмжлэгчдээс өндөр үнэлгээ авсаар байгаа юм.
