Европын топ лигүүдийн ээлжит тойргийн тоглолтууд сонирхолтой үр дүнгээр дүүрэн өрнөж байна. Италийн Сери А лигийг итгэл төгс тэргүүлэгч “Интер Милан” клуб “Кальяри”-г талбайдаа 3:0-ээр буулган авч, ээлжит “Скудетто” буюу аварга болох замдаа чухал алхам хийлээ.
Тоглолтын эхний хагаст “Интер Милан” давамгайлсан ч гоол оруулж чадаагүй. Харин хоёрдугаар хагаст Маркус Тюрам, Николо Барелла нар гоолдож багтаа тэргүүлэл авчирсан бол нэмэлт цагт Пётр Зиелински гоол оруулснаар ялалтаа баталгаажуулсан юм.
Харин Европын цомд шалгарахын төлөө тэмцэж буй “Комо” баг “Сассуоло”-д 2:1 харьцаагаар ялагдлаа. Тоглолтын сүүлийн хагаст орсон гурван гоол “Комо” багийн Европын цомд оролцох боломжийг улам бүр хязгаарлаж байна.
Бусад лигүүдийн тухайд, Германы Бундеслигт “Санкт Паули” болон “Кёльн” багуудын тоглолт 1:1 тэнцээгээр өндөрлөв. Францын Лига 1-д “Ланс” баг “Тулуза”-г 3:2 харьцаагаар хожиж, хүснэгтийн дээд хэсэгт байр сууриа хадгалахын төлөөх өрсөлдөөнийг үргэлжлүүлж байна.
Тоглолтуудын үр дүн:
- Сери А:
- Интер Милан 3:0 Кальяри
- Сассуоло 2:1 Комо
- Бундеслиг:
- Санкт Паули 1:1 Кёльн
- Лига 1:
- Ланс 3:2 Тулуза
