NBA лиг гуравдугаар сарын 30-нд Target Center-т болсон Детройт Пистонс болон Миннесота Тэмбэрвүүлвс багуудын тоглолтын үеэр гарсан ширүүн маргалдааны дараа хэд хэдэн тоглогчид шийтгэл оноолоо. Хоёрдугаар үед хурцадсан энэ маргаанд оролцсон таван тоглогч шийтгэгдсэн байна.
Пистонс багийн довтлогч- төвийн тоглогч Айзея Стюарт хамгийн хүнд шийтгэл хүлээж, хоёр тоглолт өнжих шийтгэл хүлээлээ. NBA-гийн мэдээлснээр, Стюартын өмнөх спортын ёс зүйгүй үйлдлүүд нь энэ шийтгэлийн хугацааг уртасгахад нөлөөлсөн гэжээ. Тэрбээр талбай дээрх түрэмгий зангаараа алдартай бөгөөд энэ удаагийн мөргөлдөөнийг хурцатгахад голлох үүрэг гүйцэтгэсэн гэж үзсэн байна.
The following was released by the NBA: pic.twitter.com/obhzEiy8IS
— NBA Communications (@NBAPR) April 1, 2025
Үүнээс гадна, Пистонс багийн довтлогч Рон Холланд II, хамгаалагч Маркус Сассер, Тэмбэрвүүлвсийн төвийн тоглогч Наз Рид, хамгаалагч Донте Дивинчензо нар нэг тоглолт өнжих шийтгэл хүлээлээ. Мөн дээрх таван тоглогч бүгд техникийн алдаа авч, тоглолтоос хөөгдсөн байна.
Мөргөлдөөн хоёрдугаар үед 8:36 секунд үлдэж байх үед Холланд II Ридийн эсрэг хамгаалалтын алдаа гаргаснаар эхэлжээ. Уурласан Рид Холланд II-г ширтэж, маргаан үүсгэсэн бөгөөд удалгүй Холланд II Дивинчензог түлхсэнээр асуудал хурцаджээ. Дивинчензо ч хариу үйлдэл үзүүлж, Холланд II-г түлхсэнээр тэд Ридтэй хамт үзэгчдийн суудал руу унасан байна.
Үүний дараа Стюарт, Сассер нар үймээн дунд орж, Дивинчензо болон Ридийг түлхэж мөргөлдөөнийг улам даамжруулсан байна. NBA-гийн мэдээлснээр, нөхцөл байдал хяналтаас гарахаас өмнө яаралтай арга хэмжээ авах шаардлагатай байсан гэжээ.
Тэмбэрвүүлвс баг уг тоглолтод 123-104 харьцаагаар хожсон ч мөргөлдөөний үр дагавар тэдний ялалтыг бүрхэж байна.
Рид, Дивинчензо нарын нэг тоглолт өнжих шийтгэл шууд хэрэгжиж, тэд Денвер Наггетсийн эсрэг тоглолтыг өнжсөн байна. Харин Стюартын хоёр тоглолт өнжих шийтгэл лхагва гарагаас эхэлж, Пистонс баг Оклахома-Сити Тандер багийн эсрэг тоглохоос нь өмнө хэрэгжинэ. Холланд II, Сассер нар ч мөн лхагва гарагт шийтгэлээ эдэлнэ.
talkbasket.net
