Өнгөрсөн амралтын өдрүүдэд тулааны ертөнц нам гүм байсан ч энэ долоо хоногт UFC Перт эвентээр дахин халуун уур амьсгалыг мэдрүүлэхээр бэлтгэж байна. Гэсэн ч уг эвент нь фенүүдийн хүлээлтийг тэр бүр давсангүй. Харин тулаанчид болон сонирхогчдын дунд хамгийн их яригдаж буй сэдэв бол Ронда Роузи тулааны рингэнд эргэн ирэх үү?
Домог эргэн ирэх үү?
Роузигийн эргэн ирэлт UFC болон Paramount-ийн удирдлагуудын анхаарлын төвд байна. Хэрэв түүнийг дахин тулалдана гэдэгт баттай байсан бол, компанийн үнэлгээ 1.1 тэрбумаас 1.2 тэрбум ам.доллар болж өсөх байсан биз ээ. Гэвч бодит байдал дээр Роузи дахин рингэнд гарах магадлал маш бага.
Саяхан тэр “Хэзээ ч битгий хэзээ ч гэж хэл” хэмээн дурссан ч, түүний тулааны карьер сүүлийн тулаанаар харьцангуй гунигтай өндөрлөсөн. Харин тэрбээр мэргэжлийн бөхийн ертөнц рүү буюу WWE-д эргэн орж, фенүүдийнхээ талархлыг хүртэх боломж илүү бодитой харагдаж байна. WWE-д домогт одууд эргэн ирэх нь хэвийн үзэгдэл болсон. Роузигийн хувьд ч энэ илүү “байгалиараа” мэдрэгдэх сонголт байж мэднэ.
Гэсэн ч тулааны ертөнцөд боломжгүй зүйл гэж үгүй. 20 жилийн өмнө UFC Цагаан ордонд эвент зохион байгуулна гэвэл хэн ч итгэхгүй л байсан шүү дээ. Харин одоо энэ бодит байдалд дөхөж байна. Тэгэхээр… төсөөлөөд үзье.
Хэрвээ Роузи эргэн ирвэл…
Роузи Инстаграм хуудсаараа дамжуулан эргэн ирж буйгаа зарлана. Энэ удаад тэр зөвхөн өөрийнхөө төлөө биш, харин бүхий л эмэгтэй тулаанчдын нэр төрийн төлөө эргэн ирж буйгаа илэрхийлнэ. Фенүүд түүнийг халуун алга ташилтаар угтаж, UFC ч боломжийг алдахгүй.
UFC Цагаан ордонд Роузи болон Кэйла Харрисон нарын 135 фунтын бүсийн төлөөх тулаан товлогдоно. Хоёр жудоч, хоёр үеийн төлөөлөл.
Тулааны өмнө сэтгэл зүйн тоглолт хүчээ авна. Харрисон “Роузи миний түвшинд хүрээгүй жудоч байсан” гэж мэдэгдэнэ. Харин Роузи “Чи миний замналыг хуулж байна” гэж хариу өгнө. Тулааны өмнөх сэтгэлзүйн өрсөлдөөн оргилдоо хүрч, Роузи илт доогуур үнэлэгдэнэ. Гэвч фенүүд түүнд итгэсээр…
Тулаан эхэлнэ. Гэвч мөрөөдөл энд өндөрлөнө. Харрисон Роузиг ипон хийж шиднэ, буулгана, бооно, эцэст нь ялагдалтай хамт нам гүм хөшиг хаагдана. Роузи дахин зодог тайлна. Энэ бол бүрэн төгсгөл биш, гэхдээ өмнөхөөсөө илүү гэгээлэг, илүү амар амгалан төгсгөл.
Жингийн асуудал — Дахин төв талбарт
Сүүлийн саруудад Келвин Гастелум, Лосене Кейта, Брайан Баттл, Брайан Ортега зэрэг тулаанчид жингээ хасах тал дээр асуудалд орж, энэ асуудал дахин анхаарлын төвд орж ирэв. Жингээ амжилттай хасаж чадаагүй тохиолдолд торгууль ногдуулах уу, эсвэл шууд илүү жинд шилжүүлэх үү?
Жинг хасах бол тулааны спортын салшгүй хэсэг. Тулаанчид бие бялдрын давуу талаа ашиглахын тулд хэт бага жинд тулахыг эрмэлздэг. Гэвч энэ нь эрүүл мэндэд ноцтой аюул учруулж, эвентийн зохион байгуулалтад хүндрэл үүсгэдэг. Тиймээс хатуу дүрэм журам хэрэгтэй.
Хамгийн оновчтой шийдэл бол:
- Эхний зөрчил: Жингийн хязгаараас нэг фунтаас илүү хэтэрсэн тохиолдолд тулаан шууд цуцлагдах.
- Хоёр дахь зөрчил: Зөрчил гаргасан тулаанчийг шууд илүү жинд дэвшүүлэн, дахин ижил жинд тулалдахыг хориглох.
Ингэж байж л тогтвортой, шударга орчин бүрдэх боломжтой.
UFC-ийн анхны Paramount+ эвент – Юу хүлээх вэ?
UFC Paramount+ платформ дээр анхны эвентээ хийх гэж байна. Энэхүү эвент ямар байх вэ? Хэн гол тулаанд оролцох бол?
Миний таамаг: энэ нь дугаарласан эвент биш, харин томоохон Fight Night хэлбэртэй эхлэл байх болно. Илүү сонирхолтой хувилбар бол Александр Пантожа болон Жошуа Ван нарын жингийн бүсийн төлөөх тулаан. Пантожа бол жинхэнэ тулаанч, тууштай, тулаантай, уйтгартай биш. Хамгийн гол нь тэр хэзээ ч үзэгчдийг гонсойлгодоггүй.
Эвентийн үнэлгээ 7 оноо авч байж амжилт гэж тооцогдоно. Үүнээс доош бол ESPN-ийн гэрээний үргэлжлэл мэт харагдана.
UFC Цагаан ордны эвент ба хувцаслалтын драм
Цагаан ордны хивсэн дээр Venum хувцастай тулаанчид гарч ирнэ гэхээр төсөөлөхөд хэцүү. Майкл Чандлер цагаан хиймэл үс зүүхгүй бол тэр ордонд юу хийгээд байгаа юм бэ?
Төгс ертөнцөд нэг тулаанч Жорж Вашингтоны дүрээр гарч ирэх ёстой. Гэхдээ бодит байдал дээр Venum-ийн спорт цамц, шорт л бидний өмнө байх болно.
📎 Эх сурвалж: MMAFighting.com
