2026 оны 9-р сарын 19-нд Лас Вегасын The Sphere-д болох тулаанд Флойд Мэйвезер өөрийн 50-0 амжилтаа хамгаалах бөгөөд Мэнни Пакьяо 11 жилийн дараа тэнцлийг эргүүлэх боломжтой болжээ.
2015 онд анх тулалдаж байсан Мэйвезер, Пакьяо нарын тулаан олон хүний хүлээлтийг бүрэн хангаж чадаагүй ч “TBE” нэрээр алдаршсан Мэйвезер ялалт байгуулсан билээ. Тухайн үед үзэгчид хоёр боксчин залуу байхдаа тулалдсан бол үр дүн өөр байх байсан гэж үзэж байсан ч одоо Пакьяо илүү идэвхтэй байгаа нь давуу тал болж байна. Тэрбээр Мэйвезерээс хойш таван удаа рингэнд гарч, сүүлийн тулаанаа өнгөрсөн жил Марио Барриостой хийсэн юм.
WBC-ийн хөнгөн хүнд жингийн аварга Дэвид Бенавидез тулааныг урьдчилан таамаглахдаа Мэйвезер ялалт байгуулна гэж үзэж байгаа ч хоёр боксчны нас өндөр байгааг онцолсон. Тэрбээр “Мэйвезер 50 настай, Пакьяо 47 настай. Нас нь тулаанд нөлөөлнө” гэжээ.
