Сан Антонио Спөрс багийн гол од Виктор Вембаньяма Филадельфиа 76ерс багийг 115-102 харьцаатай хожсон тоглолтын үеэр хавиргандаа бэртэл авч, талбайг орхилоо. Тоглолтын хоёрдугаар үед Пол Жоржтой мөргөлдсөний улмаас гэмтэл авсан тэрээр хоёрдугаар хагаст тоглолтод оролцож чадаагүй юм.
Багийн туслах дасгалжуулагч Митч Жонсон бэртлийн зэрэглэлийн талаар одоогоор тодорхой мэдээлэл байхгүй байгааг онцолсон ч Вембаньяма бэртэл авсныхаа дараа тоглолтыг үргэлжлүүлэх оролдлого хийсэн нь эерэг үзүүлэлт хэмээн дурджээ. Франц тоглогч талбайг орхих хүртлээ 17 оноо авч, 5 самбараас бөмбөг авалт, 3 хаалт гүйцэтгээд байв.
Энэхүү бэртэл нь Вембаньямагийн улирлын төгсгөлийн тоглолтуудад оролцох боломжид нөлөөлж болзошгүй юм. Тэрээр энэ улиралд оноо, самбар, хаалтын үзүүлэлтээр багийг тэргүүлж байгаагаас гадна Шилдэг хамгаалагч болон MVP шагналын төлөөх өрсөлдөөнд гол нэр дэвшигчдийн нэгт тооцогдож байгаа билээ. Одоогоор Спөрс багийн эмнэлгийн алба түүний биеийн байдалд нэмэлт шинжилгээ хийж байна.
