Энэ долоо хоногт Европын хөлбөмбөгийн хамгийн нэр хүндтэй тэмцээн болох Аваргуудын лигийн шөвгийн наймын хариу тоглолтууд явагдаж, хагас шигшээд өрсөлдөх шилдэг дөрвөн баг тодорно. Эхний тоглолтуудын үр дүн зарим том багуудыг хүнд байдалд оруулсан бол заримд нь давуу тал олгоод байна.
Мягмар гараг
Атлетико Мадрид – Барселона Өнгөрсөн долоо хоногт “Камп Ноу”-д болсон тоглолтод Атлетико Мадрид 2:0-ээр хожиж, томоохон сюрприз барьсан. Залуу хамгаалагч Пау Кубарси 44 дэх минутад улаан хуудас авч талбайг чөлөөлсөн нь “Барселона”-гийн төлөвлөгөөг бүрэн нураасан юм. Диего Симеонегийн залуус энэ давуу тал дээрээ дөрөөлөн, хамгаалалтаа бататгаж тоглох нь тодорхой. Хоёр гоолын зөрүүг арилгах нь каталончуудын хувьд туйлын хүнд даалгавар байх болно.
- Таамаглал: Атлетико Мадрид 1:2 Барселона (Нийлбэр дүнгээр Атлетико шалгарна)
Ливерпүүл – Пари Сен-Жермен Ливерпүүл эхний тоглолтод талбайдаа “ПСЖ”-д тавгүйтсэн ч тоглолтын турш тэнцүүхэн өрсөлдөж чадсан нь тэдний хувьд дараагийн шатанд итгэл найдвараа хадгалах боломж олгосон юм. Ялангуяа хаалгач Жоржи Мамардашвилигийн гайхалтай хаалтууд тооны харьцааг 2:0-д барьж үлдсэн нь чухал байлаа.
Гэвч өнөөгийн Ливерпүүлийн баг өмнөх жилүүдийнх шигээ хүчирхэг байж чадахгүй байна. Хамгаалалт нь эмзэг, довтолгооны идэвх нь сул байгаа нь ажиглагдаж буй гол дутагдал юм. Хэрэв Пари Сен-Жермен довтолгоонд суурилсан хурдтай тоглолтоо үзүүлж чадвал зочин багийн хувиар дахин ялалт байгуулах магадлал өндөр байна.
- Таамаглал: Ливерпүүл 0:2 Пари Сен-Жермен
Лхагва гараг
Арсенал – Спортинг CP Лиссабонд болсон эхний тоглолтод Кай Хаверцийн сүүлийн минутын гоол “Арсенал”-д чухал ялалт авчирсан. Хэдийгээр тэд амралтын өдрөөр “Борнмут”-д 2:1-ээр хожигдож сэтгэлзүйн багахан цохилт авсан ч талбайдаа “Спортинг”-оос хамаагүй илүү гэдгээ батлах болов уу. “Их буучид” итгэл төгс тоглож, хагас шигшээд шалгарах эрхээ авна гэж шинжээчид үзэж байна.
- Таамаглал: Арсенал 3:0 Спортинг CP
Бавари Мюнхен – Реал Мадрид Европын хоёр аваргын тулаан анхны тоглолтоос л гал гарсан. Мануэль Нойерын гайхалтай тоглолтын ачаар Бавари 2:1-ээр тэргүүлж эхэлсэн. Хэрэв “Реал Мадрид” энэ зөрүүг нөхөж чадахгүй бол улирлаа цомгүй өнгөрүүлэх аюул нүүрлээд байна. Винисиус, Беллингхэм нарын ур чадварт найдаж болох ч “Бавари” талбайдаа довтолгооны хурд, хүчээрээ илүүрхэх магадлалтай.
- Таамаглал: Бавари Мюнхен 3:1 Реал Мадрид
Дэлгэрэнгүй эх сурвалжийг харах
