Valve бүсийн чансааны загварт шинэчлэлт гарч, хэд хэдэн гол өөрчлөлтүүд орлоо.
Хамгийн том өөрчлөлтүүдийн нэг нь тоглолтоос татгалзсан тохиолдолд ялагдлаар тооцох шийдвэр юм. Өмнө нь татгалзсан тоглолтууд үр дүнд нөлөөлдөггүй байсан тул багууд энэ боломжийг ашиглан хариуцлага хүлээхгүйгээр тэмцээнээс гарч болох байв.
Мөн тэмцээний мэдээлэл зөвхөн тэмцээн дууссаны дараа чансаанд тооцогдох болж байна. Энэ нь тэмцээн дуусахаас өмнө тооцогдох үед үүсэх боломжит асуудлуудыг багасгах зорилготой. GamerLegion баг IEM Katowice тэмцээнд оролцох явцдаа BLAST Open Lisbon-ийн урилгыг алдахад энэхүү тооцооллын систем нөлөөлсөн гэж үзжээ. Учир нь баг тэмцээнээс хасагдахаас өмнө шагналын мөнгө нь чансаанд тусгагдаагүй байна.
Одоо баг чансаанд багтахын тулд 10 тоглолт биш, ердөө 5 тоглолт хийхэд хангалттай боллоо.
Түүнчлэн, ESL-ийн тэмцээнүүдэд шагналын мөнгөнөөс тусдаа тооцогддог “club share” орлого чансааны загварт оруулсан. Ингэснээр ESL-ийн шагналын сангийн хоёр төрлийг нэгтгэж тооцох болж байна.
hltv.org
