“Ер нь бол би чиг хандлагад тийм ч итгэдэггүй. Гэхдээ эмэгтэйчүүд өөртөө итгэлтэй харагдаж, тэгж мэдрэхийг хүсэж байгаа нь ажиглагдаж байна” хэмээн Лана Дель Рейгийн алдартай 60-аад оны загварын үсний хэлбэрийг бүтээсэн Анна Кофон онцоллоо.
Кофон 2011 оноос хойш Video Games дууг дуулсан Лана Дель Рейгийн үсний стилистээр ажиллаж байна. Тэрээр Синди Кроуфорд, Дуа Липа, хамгийн сүүлд Маргарет Куалли зэрэг алдартнуудад ажиллаж байсан бөгөөд үсний чиг хандлагыг тодорхойлогчдын нэг юм.
“Зарим зүйлс зүгээр л өөрийн эрхгүй, мэдрэмжээрээ бий болдог,” гэж тэр хэлээд, “Жишээлбэл, тууз тренд болсон үеийг харъя. Did You Know That There’s a Tunnel Under Ocean Blvd цомог гарсны дараа Ланагийн тоглолт бүр дээр үзэгчид үсэндээ тууз зүүсэн байсан. Хаашаа ч харсан, бүгд туузтай байлаа.”
“Үүнийг чиг хандлага гэж тодорхойлох уу? Эсвэл энэ нь зүгээр л хөгжмийн ертөнц дэх нэгэн соёлын мөч, тодорхой төрхийг өдөөсөн зүйл үү?”
Кофон Лана Дель Рейгийн тоглолтуудын салшгүй нэг хэсэг болжээ.
independent.co.uk
