1945 оны наймдугаар сараас 1952 оны дөрөвдүгээр сар хүртэл үргэлжилсэн Холбоотны Японы эзлэн түрэмгийллийн үеийн хамгийн алдартай зурагт генерал Дуглас МакАртур болон Японы эзэн хаан Хирохито нарын дүрслэл байдаг. Энэ зураг Японы засгийн газарт тухайн үедээ томоохон асуудал болж байсан. Учир нь өмнө нь зөвхөн эзэн хааны гэр бүлийн зурагчид л эзэн хааныг зураг авах эрхтэй байсан бөгөөд тэд ч гэсэн 20 метрийн зайнаас зураг авах ёстой байжээ.
Эзэн хаан Хирохито бага зэрэг бөгтөр байсан учраас зөвхөн дээд биеийг нь зураг авахыг зөвшөөрдөг байсан бөгөөд хажуугаас нь зураг авахыг хориглодог байв. Харин энэ зурагт МакАртур илүү өндөр, хүчирхэг харагдаж байгаа бөгөөд эзэн хааны хослол нь түүнд тохирохгүй байгаа мэт харагддаг. Эзэн хаан нь бурханы дүртэй гэж үздэг учраас түүний оёдолчин түүнд хүрэх эрхгүй байжээ.
Эх сурвалж:
https://www.historytoday.com/archive/feature/after-hiroshima-us-occupation-japan
