Танасис Антетокунмпо Милуоки Баксд эргэн ирлээ
Танасис Антетокунмпо Милуоки Бакстай нэг жилийн хугацаатай, 2.9 сая ам.долларын (ойролцоогоор 10 тэрбум төгрөг) гэрээ байгууллаа. Энэ нь ахмад тоглогчдод зориулсан хамгийн бага цалинтай гэрээ юм.
Шинэ гэрээ нь Танасисыг түүний дүү Жианнис Антетокунмпотой дахин нэгтгэж байна. Жианнис энэ улирлыг Баксд үргэлжлүүлэхээр шийдсэн тухай мэдээлэл өмнө нь гарсан бөгөөд тэрээр энэ зун солилцоонд орох талаар бодож байсан ч багтаа үнэнч үлдэхээр шийдсэн юм.
Танасис өнгөрсөн улиралд ахиллес шөрмөсөө гэмтээж, нөхөн сэргээх хугацаанд талбайд гараагүй. Харин үүний өмнө тэрээр таван улирал дараалан Бакст хүчин зүтгэсэн туршлагатай.
Сүүлийн хоёр улиралд нийт 71 тоглолтод оролцсон тэрбээр статистикийн хувьд чухал биш ч, сэтгэл зүй, хувийн харилцааны түвшинд Милуокид маш том нөлөөтэй тоглогч гэж тооцогддог. Тэрээр дүү Жианнисийг сэтгэл хангалуун, тогтвортой байлгах чухал үүрэгтэй нэгэн юм.
Эх сурвалж: RealGM – Thanasis Antetokounmpo To Sign One-Year Deal With Bucks
