Патрисио Питбулл UFC Парис эвентэд товлогдоод байсан тулаан жингийн асуудлаас үүдэн цуцлагдсанд сэтгэл дундуур байгаагаа илэрхийллээ. Беллатор болон UFC-ийн жингийн ангиллуудад аварга болж байсан түүний хувьд энэ бол урьдчилан тооцоолж болохуйц алдаа байлаа.
Питбулл болон Кейта нарын тулаан гурван долоо хоногийн өмнө зарлагдсан ч Кейта жингээ тохируулах хугацаагаа зөв ашиглаж чадаагүй. Тэрбээр жин үзэх үеэр 149 фунт буюу 67 кг орчим жинтэй байснаар тулааны шаардлага зөрчигдөж, тулаан цуцлагдсан юм.
LUTA CANCELADA 🚨
— UFC Brasil (@UFCBrasil) September 5, 2025
O @PatricioPitbull explicou por que recusou a luta contra Losene Keita após o belga passar o limite da categoria na pesagem do #UFCParis. pic.twitter.com/gMGFVyeIEQ
Питбулл ярилцлагадаа өрсөлдөгчөө “залуу, хурдан, хүчтэй” гэж үнэлж, өөрийн бүх эрсдэлийг хүлээн зөвшөөрөн тулаанд оролцохоор шийдсэнээ дурдсан. Гэвч Кейта “нялх хүүхдийн хоол идэх”-ийг илүүд үзэж, жингээ хасах талаар дорвитой алхам хийгээгүй гэж тэр үзэж байна. Энэ байдлыг тэрээр “мэргэжлийн бус хандлага” хэмээн шүүмжилж, Лосене Кейтаг “Хар ирвэс” биш, харин “Тарган ирвэс” гэж тодорхойлжээ.
Тулаан цуцлагдсан ч Питбулл зогсолт хийх бодолгүй байгаагаа илэрхийлсэн. Тэрбээр UFC-ийн октагонд хоёр тулаан хийж, Яир Родригест ялагдаж, Дан Иге-г ялсан бөгөөд ойрын үед дахин тулалдах сонирхолтой байгаа аж. Тэрээр UFC-ийн Рио-де-Жанейрод болох эвентэд оролцох хүсэлтэй бөгөөд “жингээ тохируулсан хэнтэй ч” тулалдахад бэлэн гэдгээ илэрхийлжээ.
I did my part, but my opponent didn’t do his. I was called on short notice, traveled, dealt with jet lag and made weight. My opponent was at home, had 3 more hours to try and chose not to. I really would like to fight on the UFC Rio card. I’ll face anyone who makes weight @ufc
— Patricio Pitbull (@PatricioPitbull) September 5, 2025
Эх сурвалж: MMA Fighting
