Сан Антонио Спөрс багийн шинэчлэлтүүд үргэлжилсээр байна
Сан Антонио Спөрс энэ зун бүрэлдэхүүнээ шинэчлэх ажлаа үргэлжлүүлж, хоёр тоглогчийн солилцоо хийлээ. Тэд довтлогч Осайи Осифог чөлөөлж, хамгаалагч Исаиа Миллертэй гэрээ байгуулсан байна.
206 см өндөртэй Осайи Осифо нь өмнө нь багтай Exhibit 10 төрлийн баталгаагүй гэрээгээр нэгдсэн байсан. Түүнийг G лигийн Остин Спөрс багт дахин элсүүлэхээр төлөвлөж байгаа бөгөөд өнгөрсөн улиралд тус багийн төлөө 39 тоглолтод оролцсон юм.
Харин 183 см өндөртэй Исаиа Миллер нь мөн Exhibit 10 гэрээгээр элсэж байгаа. Тэрбээр өнгөрсөн улиралд G лигийн Спөрс багт тоглож, 30 тоглолтод дунджаар 15.9 оноо, 6.5 самбар, 2.7 дамжуулалт, 2.4 бөмбөг таслалт хийсэн байна.
Эдгээр өөрчлөлтүүдийн дараагаар Спөрс багийн бүрэлдэхүүн 21 тоглогчтой болж, зуны дээд хязгаарт хүрээд байна. Энэ нь ирэх улиралд багийн төлөвлөгөөнд хэрхэн нөлөөлөх нь сонирхол татаж байна.
Эх сурвалж: RealGM
