Ньюкаслын EFL цомын хамгаалалт эхэллээ
Эдди Хау Ньюкаслын EFL цомд хандах хандлагыг “Хайртай” гэж тодорхойлж, өнгөрсөн жил түрүүлсэн авсан цомоо хамгаалахаар бэлтгэж байна.
Магпийс баг өнгөрсөн гуравдугаар сард Уэмблид Ливерпүүлийг хожсоноор 70 жил хүлээсэн дотоодын цомын цангаагаа тайлсан бөгөөд энэ улиралд дахин аварга болохыг зорьж байна.
Тэд хоёрдугаар шатанд шууд оролцох эрхтэй болсон ба маргааш орой Лигийн нэгийн тэргүүлэгч Брэдфорд Ситиг гэртээ хүлээн авч, цомын хамгаалалтаа албан ёсоор эхлүүлнэ.
Хау хэлэхдээ,
“Би тоглолт бүрийг, мөн түүнд бэлтгэх явцыг дуртай. Бид оролцож буй бүх тэмцээнээ хүндэлдэг, харин EFL цом бол бидний хайртай тэмцээн. Дахин амжилт гаргахыг хүсэж байна” гэжээ.
Тэр мөн:
“Энэ тэмцээнд оролцсон сүүлийн хоёр жилийн туршлага ялангуяа хагас шигшээ, финал мартагдашгүй сайхан байсан” хэмээн онцолсон байна.
Исак болон Вольтемадег харьцуулах нь шударга биш
Александер Исак гэмтлийн улмаас тоглолтод оролцохгүй байгаа тул түүний оронд Ник Вольтемаде Брэдфорд Ситигийн эсрэг гоолын үүргийг хүлээнэ.
Германы залуу довтлогч сүүлийн үед сайн тоглож байгаа ч Исактай ижил хэв маягтай тоглогч биш. Тэрээр хамгаалалтын ард хурдаар гүйхээс илүүтэй тоглолтыг холбож, бүтээлчээр оролцох тал дээр илүү гаршсан нэгэн.
Ньюкасл өнгөрсөн ням гарагт Борнмутын эсрэг гоол оруулж чадаагүй бөгөөд энэ улиралд Премьер лигийн хэмжээнд ердөө гурван гоолтой байгаа нь асуудал үүсгэж байна.
Хау багийн довтолгооны тоглолтод өөрчлөлт хийх шаардлагатайг хүлээн зөвшөөрсөн ч Исак болон Вольтемадег харьцуулах нь шударга бус гэж үзэв.
Eddie Howe on Nick Woltemade:
— Newcastle United (@NUFC) September 23, 2025
"I thought overall he had a decent game. Some of his link play in the build-up was really good. He was a focal point that we needed and enabled us to get higher up the pitch. As a team we didn't function particularly well in the attacking half.… pic.twitter.com/QuSdW9ickp
“Александер Исактай хэн нэгнийг харьцуулах нь шударга биш. Бүх тоглогч өөр өөрийн онцлогтой, Ник ч мөн ялгаагүй” гэжээ.
Мөн тэрээр:
“Борнмутын эсрэг тоглолтод нийт дүнгээр Ник сайн тоглосон. Түүний холбох тоглолт, бүтээлч байдал үнэхээр сайн байсан. Тэр бидэнд хэрэгтэй байсан төв цэг болж, довтолгооны гуравдугаар бүсэд тоглолтын хэмнэл тогтоосон” хэмээн магтсан байна.
Хау: Бид гоол оруулж эхэлнэ гэдэгт итгэлтэй байна
Хау Ньюкаслын довтолгооны гацалт удахгүй арилна гэдэгт итгэлтэй байна.
“Бид гоол оруулахгүй байх ёстой шалтгаан гэж байхгүй. Миний Ньюкаслд ирснээс хойших хамгийн том өөрчлөлтийн үе гэж хэлж болно” хэмээн тэр хэлэв.
Тэр мөн:
“Хамгийн зөв хувилбарт зургаан долоо хоногийн бэлтгэл хийн, багийн харилцаа, ойлголцлоо хөгжүүлэх боломжтой байдаг. Харин одоо бид үүнийг бодит тоглолтуудаар дамжуулан хийхээс өөр аргагүй байгаа нь миний хувьд асуудал биш” гэж онцоллоо.
“Би манай багийн ирээдүйд маш их итгэлтэй байна. Бид суралцах зүйлтэй, гэхдээ гол зүйл бол суурь нь бат бөх, баг маань хүчтэй харагдаж байна. Бидэнд одоогоор ганцхан зүйл л дутагдаж байна — X-фактор.”
Эх сурвалж:
101GreatGoals – Howe dismisses comparisons
