Туркийн загасчид Украины Magura усан дроныг олжээ
Туркийн загасчид дэлбэрэх бодисоор тоноглогдсон Украины Magura хэмээх жолоочгүй усан дроныг олж, бүс нутгийн аюулгүй байдалтай холбоотой чухал мэдээллийг ил болголоо. Уг дрон Туркийн Чаршибаши хотын ойролцоо олдсон бөгөөд энэ газар нь Украины хяналтад буй нутаг дэвсгэрээс 1,448 км, Крымийн хойгоос 965 км орчим зайд оршдог.
Туркийн эрх баригчдын мэдээлснээр, дрон дотор дэлбэрэх төхөөрөмж байгааг тогтоосон бөгөөд загасчдын авчирсан боомтыг шууд хааж, дэлбэрэх бодисын мэргэжилтнүүдийн ирэхийг хүлээж байна. Илэрсэн дрон нь Magura V5 загвар бөгөөд цахилгаан-оптик камерын цамхаг, хиймэл дагуулын антеннуудаар тоноглогджээ.
#Turkey / #Russia / #Ukraine 🇹🇷🇷🇺🇺🇦: Turkish Fishermen reportedly discovered an Explosive-Laden Uncrewed Surface Vehicle in #Trabzon, #BlackSea.
— War Noir (@war_noir) September 30, 2025
The USV seems to be a #Ukrainian-made 🇺🇦 "MAGURA" V-type kamikaze boat; mostly used by Military Intelligence (#GUR) and USV Brigades. pic.twitter.com/8dQErqdplR
Анх амиа золиослогч буюу “камикадзе” зориулалттайгаар бүтээгдсэн Magura дронууд нь сүүлийн жилүүдэд олон үүрэг гүйцэтгэх чадвартай болж хөгжсөн. Тухайлбал, FPV дрон хөөргөх, бөмбөгдөгч дрон байрлуулах, пулемётоор зэвсэглэх, агаарын довтолгооны эсрэг пуужин тавих зэрэг боломжтой. Туркээс илэрсэн энэхүү дронд тэдгээр зэвсэглэлүүд суурилагдаагүй байжээ.
2025 оны тавдугаар сард Украины тагнуулын GUR байгууллага Magura V7 дроныг AIM-9 Sidewinder пуужингаар тоноглож, Хар тэнгисийн дээгүүр нисч явсан Оросын хоёр Су-30 Flanker сөнөөгч онгоцыг амжилттай унагасан тухай мэдээлсэн. Энэ нь дроны тусламжтайгаар агаарын хөлгийг устгасан анхны тохиолдол хэмээн онцолсон билээ.
Өнөөдөр Украины жолоочгүй дронууд Крымийн эргийн Оросын усан флотод аюул занал учруулахаа больсонгүй, цаашлаад Хар тэнгисийн зүүн эргийн Оросын боомтуудад ч заналхийлж байна. Туркийн эрх баригчид олдсон дроныг хэрхэн ашиглах нь тодорхойгүй ч загасчид энэ тухай сонирхолтой түүх ярьсаар байгаа аж.
Эх сурвалж: The War Zone – The Drive
