OpenAI компанид нэгэн зэрэг хэд хэдэн томоохон өөрчлөлт болж байна. Тус компанийн Маркетингийн захирал Кейт Рауч эмчилгээ хийлгэхээр ажлаасаа түр хугацаагаар чөлөө авсан бол хиймэл оюун ухааны (AI) хөгжүүлэлтийн гүйцэтгэх захирал Фиджи Симо мөн эрүүл мэндийн шалтгаанаар хэдэн долоо хоногийн хугацаатай эмчилгээнд суухаар болжээ.
Үүнээс гадна тус компанийн үйл ажиллагаа эрхэлсэн захирал (COO) Брэд Лайткэп тусгай төслүүдийн удирдагчаар томилогдсон байна. Түүний оронд борлуулалтын захирал нь үйл ажиллагаа эрхэлсэн захирлын үүргийг давхар гүйцэтгэхээр болжээ. Эдгээр өөрчлөлтүүд нь OpenAI-ийн саяхан зогсоосон Sora видео бүтээх төсөл болон дата төвийн барилгын ажилтай холбоотой асуудлуудтай зэрэгцэн гарч байгаа нь компанийн дотоод нөхцөл байдлыг анхаарлын төвд орууллаа.
Ийм нөхцөл байдлын дунд OpenAI компани хувьцаагаа олон нийтэд нээлттэй арилжаалах (IPO) бэлтгэлийг эрчимтэй базааж байгаа бөгөөд удирдлагын бүрэлдэхүүнд гарсан эдгээр өөрчлөлтүүд ирээдүйн төлөвлөгөөнд хэрхэн нөлөөлөх нь сонирхол татаж байна.
Тус компаниас гаргасан албан ёсны мэдэгдэлд “Бид урьдчилсан судалгааг ахиулах, дэлхийн хэрэглэгчдийн баазыг тэлэх, аж ахуйн нэгжүүдийн хэрэглээг дэмжих зэрэг хамгийн чухал зорилтуудад анхаарлаа хандуулсан хүчирхэг удирдлагын багтай бөгөөд энэ чиглэлд тасралтгүй, эрчимтэй ажиллахад бэлэн байна” гэж онцолжээ.
