Porsche-ийн талаар ямар ч ойлголттой хүн RUF-ийг зүгээр нэг тоглоом биш гэдгийг мэддэг. Германы Пфафенхаузен хотод байрладаг энэ тюнингийн компани алдарт Porsche-уудыг уралдааны жинхэнэ араатан болгон хувиргадаг. RUF-ийн бүтээл эзэмшинэ гэдэг өөрөө онцгой хэрэг боловч Bring a Trailer сайтад тавигдсан энэ загвар бол бүр ч илүү түвшний тансаг сонголт юм.
Ховорын ховор
Энэ 2005 оны RUF Rt12 бол ердөө 13 ширхэг үйлдвэрлэгдсэн загварын нэг. Porsche 911-ийн 997 үеийн загварт суурилсан Rt12 нь анх 2004 оны Essen Motor Show дээр танилцуулагдаж, дараа нь үйлдвэрлэлд орсон. Уг машин анх Техаст хүргэгдсэн ч удалгүй Япон руу экспортлогдож, 2023 онд Канадын Британийн Колумб муж руу шилжсэн байна. Түүнээсээ мөн онд буцаан АНУ-д оруулжээ.
Машины их бие Blood Orange хэмээх тод улбар шар өнгөөр будаж, зөвхөн RUF-д зориулагдсан өргөтгөсөн кузов хийцтэй. Үүнд сайжруулсан урд, хойд хормой, агаар оруулах ам, цахилгаанаар хураагддаг арын ангархай, манангийн гэрэл, угаагчтай Xenon фар, тунгалаг дохионы гэрэл болон нүүрстөрөгчийн ширхэгт толь багтжээ.
Porsche-уудыг уйлуулдаг Rt12
Уг Rt12 нь 3.8 литрийн хос турботой flat-six хөдөлгүүртэй бөгөөд RUF өөрийн гараар KKK турбо, сайжруулсан цилиндрийн толгой, Mahle-ийн 102мм поршен, тусгай хийцтэй хөнгөн цутгамал сорох коллектороор тоноглосон. Энэ бүхнээс үүдэн тус машин нь 650 морины хүч гаргадаг. Энэхүү хүч нь G96/50 гарын араатай 6 шатлалт хурдны хайрцгаар бүх дугуй хөтлөгч систем болон хязгаарлагдмал гулсалтын хойд дифференциалд дамждаг.
Хамгийн гайхалтай нь, энэ Rt12 одометр дээрээ зөвхөн 27,000 миль явсан үзүүлэлттэй байна.
Уг Rt12 загвар нь саарал өнгийн 19 инчийн RUF модуль дугуйтай бөгөөд Öhlins coilover амортизатор болон гидравлик ажиллагаатай хоёр түвшний өндөр тохиргооны системтэй. Энэ нь машин 19 mph (30 км/ц) хурд хүрэхээс өмнө 2 инч хүртэл өндрөө нэмэх боломжтой гэсэн үг. Дугуйн цаана нь найман болон дөрвөн поршен бүхий нэг цул тоормосны суппорт байрлаж, сийлээстэй, агааржуулалттай дискэн тоормос бүгдэд нь суурилагдсан. Өөрөөр хэлбэл, энэ машин зогсолт хийхэд тань асуудал үүсгэхгүй нь тодорхой.
Салоны хэсэг – Өнгөний уялдаа, спорт мэдрэмж
Дотор салон нь гаднах Blood Orange будгийн өнгөтэй хослуулан тохируулагдсан. Халаалттай, тохируулгатай хар арьсан суудал, улбар шар оёдолтойгоор хийгдсэн бөгөөд хаалганы хавтан, хянах самбар ч мөн ижил өнгөний хослолтой. Хурдны хайрцгийн хөндий, араа шилжүүлэгчийн бариул, хэмжигчүүдийн тойрог хүрээ зэрэг нь ижил өнгөөр хийцтэй.
Гэхдээ анхаарах нэг зүйл бий. Энэ Rt12 нь арын суудал болон RUF-ийн суурилуулсан хамгаалалтын төмөр карказгүй болно.
Дүгнээд хэлэхэд
Ердөө 13 ширхэг үйлдвэрлэгдсэн энэ Rt12-ийг эзэмших боломж өдөр бүр гардаггүй нь ойлгомжтой. Германы алдарт тюнингийн компани Porsche 911-ийн 997 үеийг аль хэдийн үзэмжтэй байхад нь улам ч сэтгэл татам амьтан болгож чаджээ. Энэхүү өргөтгөсөн кузов, Blood Orange өнгө нь түүний зорилгыг шууд илтгэнэ — гурав оронтой хурд.
Bring a Trailer дээрх дуудлага худалдаа энэ нийтлэлийн бичигдэж байх үеэр 19 цаг хүрэхгүй хугацааны дараа дуусна, одоогийн үнэ $420,000. Гайхалтай. Худалдан авагч нь багажны иж бүрдэл, RUF гэрчилгээ (Zertifikat), цэвэр Carfax тайлан, Монтана мужийн цэвэр гарчиг-тай хамт хүлээн авах болно.
autoblog.com
