Алдарт жүжигчин Жон Красинскигийн амилуулсан Жек Райаны дүр “Jack Ryan: Ghost War” нэртэй бүрэн хэмжээний киногоор эргэн ирэхээр болж, анхны тэсрэлттэй трейлерээ цацлаа. Энэхүү бүтээл нь 2026 оны хамгийн хүлээлттэй тагнуулын триллерүүдийн нэгт тооцогдож байгаа бөгөөд Том Клэнсийн зохиолоос сэдэвлэсэн өмнөх дөрвөн улиралт цувралыг үзээгүй хүмүүс ч шууд үзэх боломжтой бие даасан түүх байх юм.
Шинэ кинонд Жек Райан олон улсын зодоончдын “Starling” бүлэглэлийн эсрэг тэмцэх бөгөөд энэ удаад тэрээр MI6-ийн ажилтан Эмма Марлоутай хамтран ажиллах ажээ. Нью-Йорк, Лондон, Дубай зэрэг хотуудад зураг авалтаа хийсэн уг кино нь үйл явдал болон цар хүрээний хувьд алдарт Жеймс Бонд болон Жейсон Борны цувралуудтай өрсөлдөхүйц түвшинд хийгдсэн байна.
Киноны гол дүрүүдэд Жон Красинскигаас гадна үзэгчдийн сайн мэдэх Майкл Келли, Уэнделл Пирс нар эргэн ирж байгаа бол Сиенна Миллер шинээр багтжээ. Мөн Бетти Габриел, Макс Бийсли тэдгээрийн нэр хүндтэй жүжигчид туслах дүрүүдийг бүтээсэн байна. Найруулагчдын зүгээс энэхүү киног өмнөх цуврал болон номын тухай гүнзгий мэдлэг шаардахгүйгээр хэн бүхэн шимтэн үзэж болохоор найруулснаа онцолжээ. “Jack Ryan: Ghost War” кино ирэх 2026 оны 5-р сарын 20-нд Prime Video платформ дээр албан ёсоор нээлтээ хийхээр товлогдоод байна.
