“Лос-Анжелес Лэйкерс” багийн од Леброн Жеймс NBA- дэх 23 дахь улирлынхаа төгсгөлд зодог тайлах асуудлыг нухацтай судалж байна. Өдгөө 41 настай тэрээр “The Athletic”-ийн мэдээлснээр, ирэх зун карьераа өндөрлүүлэх боломжийг бүх талаас нь хэмжиж үзэж байгаа ажээ.
Леброн Жеймс бусад домогт тоглогчдын адил бүх хотуудаар зочилж, хүндэтгэл үзүүлдэг “зодог тайлах ёслолын аялал” хийх сонирхолгүй байгаа бөгөөд хэрэв шийдвэр гаргавал чимээгүйхэн явахыг илүүд үзэж байна. Хэдийгээр тэрээр талбай дээр өндөр түвшний тоглолт үзүүлсэн хэвээр байгаа ч багийнх нь нөхцөл байдал амаргүй байгаа юм.
Одоогийн байдлаар “Лэйкерс” баг плей-оффын эхний тойрогт Хьюстон Рокетстой тоглохоор бэлтгэж байгаа ч багийн гол тоглогчид болох Лука Дончич болон Остин Рийвс нар бэртлийн улмаас тодорхойгүй хугацаагаар жагсаалаас гарчээ. Энэ нь Леброн Жеймсийг сул бүрэлдэхүүнтэй багийг ганцаараа удирдахад хүргэж байгаа бөгөөд уг цуврал түүний хувьд сүүлчийнх байж магадгүй гэх таамгийг улам нэмэгдүүлж байна.
“Лэйкерс” багийн удирдлагууд түүнийг үргэлжлүүлэн тоглуулах сонирхолтой байгаа ч хэрэв тэрээр зодог тайлахгүй гэж шийдвэл “Голдэн Стэйт Уорриорс” болон түүний хуучин баг “Кливленд Кавальерс” түүнийг элсүүлэхээр идэвхтэй сонирхож эхэлжээ.
Кливлэнд өөр сонголтгүй нэр цэвэо
Uneen