Мэргэжилтнүүдийн үзэж буйгаар улаан өндөгний хэт их хэрэглээ нь эрүүл мэндэд сөрөг нөлөөтэй байж болзошгүй юм.
Шинжээлэгчдийн дүгнэлтээр, улаан өндөгний аюул нь өндөр давсны агууламжтай холбоотой. 100 грамм өндөг нь 10 грамм давс агуулдаг бөгөөд ДЭМБ-аас өдөрт 4.5 граммаас хэтрэхгүй давс хэрэглэхийг зөвлөдөг. Хэт их давс нь зүрх, судасны эрүүл мэнд, хоол боловсруулах системд сөргөөр нөлөөлдөг. Мөн давс нь дархлааг сулруулж, харшлын шинж тэмдгийг өдөөдөг гэж үздэг.
Ялангуяа хугацаа нь дууссан улаан өндөг нь хортой байж болно. Ийм өндөгний химийн урвал нь бөөр, элэгний үйл ажиллагаанд сөргөөр нөлөөлөхөөс гадна үхэлд хүргэх аюултай ботулизм үүсгэх эрсдэлийг нэмэгдүүлдэг.
Эрүүл мэндийн эрсдлийг бууруулахын тулд өндөг худалдан авахдаа хадгалалтын хугацаа болон савлагааны бүрэн бүтэн байдлыг сайтар шалгах нь чухал. Мөн найрлагад нь будагч болон амт оруулагч бодис ороогүй эсэхийг анхаарах хэрэгтэй.
Диетологич, нутрициологичид улаан өндгийг долоо хоногт 2 удараас илүүгүй, бага хэмжээгээр хэрэглэхийг зөвлөдөг. Бага давстай бүтээгдэхүүнийг сонгох нь илүү тохиромжтой.
Хэрэв бага давстай өндгийг зохистой хэмжээгээр хэрэглэвэл бие махбодод ашигтай. Өмнөх судалгаанаас үзэхэд, энэхүү тансаг хэрэглээ нь цусны гемоглобиныг нэмэгдүүлж, арьсны эрүүл мэндэд эерэгээр нөлөөлөн, атеросклерозын хөгжлийг бууруулдаг байна.
